Lowo ozikhandla futhi azinikele ngobuqotho Kimi, nakanjani ngiyomvikela kuze kube sekugcineni; isandla Sami nakanjani siyokubamba ukuze uhlale unokuthula futhi uhlale uthokoza futhi nsuku zonke ube nokukhanya nesambulo Sami. Nakanjani ngiyophinda kabili izibusiso Zami phezu kwakho, ukuze ube nalokho enginakho futhi ube nalokho engiyikho. Lokho okunikezwe ngaphakathi kuwe ngukuphila kwakho, futhi akekho ongakuthatha kuwe. Ungaziletheli inkinga noma ube nokucindezeleka; ngaphakathi Kimi kukhona kuphela ukuthula nentokozo. Ngikuthanda ngempela, wena mntwana onginaka futhi ungilalele ngobuqotho. Labo engibazonda kakhulu ngabazenzisi futhi nakanjani ngiyobabhubhisa. Ngiyosusa noma yiliphi iphunga lomhlaba endlini Yami, futhi ngisuse zonke lezo zinto engingakwazi ukubekezelela ukuzibona.
